2018 yil 21 dekabr kuni Qarshi shahrida “Matbuot tarqatuvchi” aksiyadorlik kompaniyasi Savdo bo’yicha direktori D.Safarov, Qashqadaryo viloyat “Matbuot tarqatuvchi” SHK direktori, “Voha” gazetasi xodimlari, fuqarolar  va korxona ishchi-xodimlari ishtirokida sayyor qabul o’tkazildi.
   So’zga chiqqan D.Safarov bugungi kunda aholini davriy matbuot nashrlariga bo'lgan talabini qondirish, rasmiylashtirilgan obuna bo'yicha nashrlarni o'z vaqtida sifatli yetkazib berish borasida Kompaniya va uning tarkibidagi korxona va jamiyatlarda amalga oshirilayotgan ishlar, sohadagi muammo va masalalar to’g’risida batafsil ma’lumot berdi.
   O’tkazilgan yig’ilishda ishtirokchilar o'zlarini qiziqtirgan savollarga to’liq javob olishdi. Shuningdek ishtirokchilar sohaga doir o’z fikr mulohazalarini ham bildirib o'tdi.
   “Matbuot tarqatuvchi” aksiyadorlik kompaniyasi Savdo bo’yicha direktori D.Safarov barcha yig’ilish qatnashchilarini avvalo yurt kelajagi va farzandlar taqdiriga befarq bo’lmay sohaga doir sayyor yig’ilishda ishtirok etganlari uchun o’z minnatdorchiligini bildirib, yaqinlashib kelayotgan Yangi 2019 yil bilan muborakbod etdi, hammaga sog’lik-salomatlik, oilaviy xotirjamlik, yurt ravnaqi yo’lida olib borayotgan ishlarida ulkan zafarlar tiladi.